Ընդհանուր դիմացկունության մարզման համար Անդին ամեն օր 1,5 ժամ հեծանիվ էր վարում: Հաճախականությունը առավելագույնի համեմատ կազմում էր 70%: Լեռնային Շվեյցարիայի պայմաններում հեծանիվ վարելը ավտոմատ կերպով դառնում է ինտերվալային մարզում, որտեղ վերընթաց ուղիները հաջորդում են վարընթաց ճանապարհներին:
Անդիի մարզումների ծրագրում կենտրոնական տեղը զբաղեցնում են ձգումները: Նա կիրառում է բազմապիսի վարժություններ, որոնց մեծամասնությունը ստատիկ բնույթ ունեն: Նա շպագատ է նստում և կատարում է ձգումներ- սա այն հանրահայտ վարժությունն է, որն այդքան վախեցնում էր իր աշակերտներին: Այս ձգումը կատարվում էր օրեկան 3 անգամ՝ որպես յուրաքանչյուր մարզման մի մաս և դրա ավարտից անմիջապես հետո:
Շվեյցարացի կարատեի մարզիկը շաբաթական 2 անգամ խաղում էր բադմինթոն: Նա համարում էր, որ դա անչափ կարևոր է տեղաշարժման համար, արագության, ռեակցիայի և դիմացկունության զարգացման համար: Բացի այդ, սա հաճելի մի փոփոխություն է ամենօրյա մարզումների խելահեղ ընթացքի մեջ: Իսկ շաբաթական 2 անգամ նա նաև զբաղվում էր լողով ընդհանուր հանգստանալու և դիմացկունության է՛լ ավելի զարգացման համար:
