ՄԵՐ ՄԱՍԻՆ

Հայաստանի Կիոկուշին կարատեի ֆեդերացիան՝ Անդրանիկ Հակոբյանի նախագահությամբ, հիմնադրվել է 2005թ.-ին Երևանում՝ միջազգային ֆեդերացիայի պաշտոնական թույլտվությամբ: 12 տարիների ակտիվ գործունեության շնորհիվ ֆեդերացիան ներգրավել է ավելի քան 3000 սաներ, որոնց մարզումներն իրականացվում են Երևանի, Արցախի և գրեթե բոլոր մարզերի թվով 90 ակումբներում: Մարզումներն իրականացնում են ֆեդերացիայի՝ համապատասխան միջազգային որակավորում ունեցող մարզիչներ: Ֆեդերացիան այս տարիների ընթացքում մասնակցել է միջազգային մասշտաբի բազմաթիվ արտերկրյա մրցաշարերի, Եվրոպայի և աշխարհի առաջնությունների՝ընդհանուր հաշվով հայրենիք բերելով 121 ոսկե, 95 արծաթե և 109 բրոնզե մեդալ: Հայկական հիմնը հնչել և եռագույնը պատվով ծածանվել է ամենատարբեր երկրներում՝ Ճապոնիա, Գերմանիա, Իսպանիա, Իտալիա, Հոլանդիա, Ռուսաստան, ՈՒկրաինա, Հունաստան, Բուլղարիա, Վրաստան և այլուր: Իր գործունեության հենց սկզբից մինչ այսօր ֆեդերացիան բոլոր արտերկրյա մրցաշարերում մարզիկների մասնակցությունը իրականացրել է միանգամայն անվճար հիմունքներով: